کەیوان محەمەدی " کارێز ژانی " شاعیری هەورامانی سەربەرز
《مۆژەی چەم》
چی شیرین وینام به چەم ڕوخسارت
کەردم تەوافی شێوەی نازارت
چی وەش بێ بیا دێوانەی خاڵت
شێتی ڕومەتی شیرین جەماڵت
جه ناگاه شانات مۆژەی چەم به قەست
پێکات یانەی دڵ شۆخی دیۮه مەست
ساکه تۆ ئازیز برۆت کەمانەن
تیری کەمانت مۆژەی چەمانەن
ئاخۆم چن کەسێ چون منی فەقیر
کەردەنت هەدەف پێکانت به تیر؟
چن کەسێ چون من کەوتەن وه داوت
شێویان پەرێ زۆڵفی لەولاوت؟
کێ تەر هەن چون من تۆش جه خیاڵ بۆ
پەی وینای باڵات زندەگیش تاڵ بۆ؟
دڵت پێکانی جه بێ ڕەحمی وێت
مەعلومەن زەڕێ ئینساف نیەن پێت
وناڵینت کەرد یانەی دەرونم
جاریەن پەی پەی سەیلاوی هونم
دڵت کەردا جای عشقی مەجازی
کەی ئینسافەن تۆ من جیا بازی؟
بۆ پەی دەوای دڵ بۮیه پیلاره
کەم بۮە زەجری منی بێچاره
(کەیوان)چون تیری مۆژەی تۆش وەردەن
گیانی وێش فدای دیدەی تۆش کەردەن
کەیوان محەممەدی《کارێز ژانی》
+ نوشته شده در سه شنبه ۱۳۹۶/۰۲/۰۵ ساعت 4:49 توسط سەلاح کوردی
|
ناوم سەلاح کوردی لە دایکبووی ساڵی ۱۳۳۹ی کۆچی ڕۆژیم . خزمەتگوزاری فەرهەنگ و ئەدەبی گەلی کوردم . بۆ باشتر بەڕێوە بردنی ئەم ماڵپەڕە ، چاوەڕوانی ڕەخنە و پێشنیاری ئێوە هاوڕێیانم.