وڵات
وڵات
وڵاتم، جێ هەوار و مەنزڵت خۆش
سەراوی قەڵبەزە و کانی بڵت خۆش
سەرم بەرزە کە شوێنی مان و ژینم
بەسواغی تۆ دەبەستم، کاگڵت خۆش
هەواڵی خۆر کە دێتە تەشقی ئاسۆ
بە "میلاد"ێ دڵم خۆشە، دڵت خۆش
سەراسەر، سەوزە دارستان و لێڕت
گوڵ و دارو گەڵا، چڵ بە چڵت خۆش
بەرامەی خۆشەویستی ئەشقی تۆ دێ
چلۆن مەستم نەکا؟ بۆنی گوڵت خۆش
لەکوێستان، تا هەڵۆ دەفڕێ و تەوارت
بە داوەڵ نابەزێ، ئاسکی سڵت خۆش
خەوێکی خاوە خەونی مانی دوژمن
دەڵێم: یاروو، خەیاڵی باتڵت خۆش
دەزێ دایکی خەبات، کۆشی بە بێرە
ئەگەر مردم وەتەن، خاک و گڵت خۆش
سەلاح کوردی
10 september 2017
+ نوشته شده در جمعه ۱۳۹۷/۰۱/۱۷ ساعت 21:58 توسط سەلاح کوردی
|
ه
ناوم سەلاح کوردی لە دایکبووی ساڵی ۱۳۳۹ی کۆچی ڕۆژیم . خزمەتگوزاری فەرهەنگ و ئەدەبی گەلی کوردم . بۆ باشتر بەڕێوە بردنی ئەم ماڵپەڕە ، چاوەڕوانی ڕەخنە و پێشنیاری ئێوە هاوڕێیانم.