ڕەحیم خزری "خۆشناو". بۆ خەم نابێ؟

بۆخه‌م نابێ؟

گه‌ر ده‌بینم له ‌وڵاتم
جحێڵه‌کان به‌بێکاری
ده‌پێون شه‌قامی شاری
بۆخه‌م نابێ؟

گه‌ر ده‌بینم باوکی ماندوو
ده‌ڕژێنێ فرمێسکی خوێنی
ناتوانێ به‌منداڵ بخوێنی
بۆخه‌م نابێ؟

گه‌ر ده‌بینم خه‌ڵکی هه‌ژار
ده‌باوه‌شی گرانی دایه‌
به‌زگی برسی قسه‌ی بۆنایه‌
بۆخه‌م نابێ؟

گه‌ر ده‌بینم خێڵی کۆڵبه‌ر
له‌و ڕێگای ئاسته‌م و باریک
ده‌کووژرێ به‌شه‌وی تاریک
بۆخه‌م نابێ؟

گه‌ر ده‌بینم جگه‌ر سووتاو
ته‌رمی ئازیزی هاته‌وه‌
وه‌کو گۆچان داهاته‌وه‌
بۆخه‌م نابێ؟

گه‌ر ده‌بینم سیمای شارم
به‌ده‌ستی نه‌فامی خۆیی
ناوبانگی به‌خه‌راب ڕۆیی
بۆخه‌م نابێ؟

گه‌ر ده‌بینم به‌من ده‌ڵێن:
بۆخه‌م نابێ لێره‌ بڕۆ
خاڵه‌خه‌مه‌ خه‌مان مه‌خۆ
بۆخه‌م نابێ؟
خۆشناو
https://t.me/Xoshnaw000

ڕەحیم خزری "خۆشناو" شاعیری شاری شەهیدی سەردەشت

ژیان نامەی شاعیری سەردەشتی ڕەحیم خزری "خۆشناو"

نـاوم ڕەحیم خزری کوڕێ میرزا حەسەن زێوەیی ناسراو بە "خۆشناو"
لە ساڵی ۱۳٤٤ی هەتاوی لە گـــونــدی زێوەی نـاوچەی سوێسنیانی ناوچەی سەردەشت چاوم بە دنیا هەڵێناوە لە تەمەنی ٤ ساڵیدا فێری خوێندنەوەی کتێبی فارسی سەرەتایی بووم تەنانەت خەڵکیشم فێری ئەو دەرسانە دەکرد کە وا فێریان ببووم یەکێک لە وان : مەلا حەسەنی زێوەییە
لە منداڵیەوە گویچکەم بە شێعر ئاشنا ببوو چونکە بابم شانامە و گوڵستان و بووستانی لە بەر بوو شەوانە خەڵک دەهاتنە لای بۆ گوێدان بەو شێعرانە هەرچەند بۆ خۆشی دووهەم سەوادداری گوندی خۆیان بوو کەمێکیشی شێعری خۆی بوون کە لە ترسی گرتن هەموویانی لە ژێر گڵ خستبوو بە داخەوە هەموویانی لێ خرا بوو هەرگیز هەوڵی دووبارە نووسینەوەی نەدا هەر لەو تەمەنەدا ماڵمان چوو بۆ سەردەشت ،

بۆ خوێندنەوەی پاشماوەی ژیاننامە و شێعرەکان ( ادامە مطلب .) بکەوە

ادامه نوشته