مامۆستا قەلەندەر، عەجایب
🍃 عەجایب🍃
هەتاوی عەشقی تۆ لێیدام عەجایب
بە ئەوتینە ئەمن سـووتام عەجایب
لە بەر هێزی سوپای برژانگە کانت
تەقەلام کرد چ خۆش دۆڕام عەجایب
وەکوو لەشکر ئەگەر دەیدەن گەمارۆ
تەواوی تێک شکام گۆڕام عەجایب
نە هیچ هێزێ نە پشتیوانە نەم بوو
بە یەکجاری نەمام فەوتام عەجایب
ئەمن دەمکوت بە سازی دڵ عەزیزم
لەڕێی تـۆدا کە هەڵچۆڕام عەجایب
دڵی شێتـم وەها شێوا لە تاوت
پەراوێزی نەما تاسام عەجایب
غەریبی ، بێ نەوایی وای لەمن کرد
لە داوی کەزیەکەت هاڵام عەجایب
قەلەندەر
+ نوشته شده در یکشنبه ۱۳۹۶/۰۲/۱۰ ساعت 19:43 توسط سەلاح کوردی
|
ناوم سەلاح کوردی لە دایکبووی ساڵی ۱۳۳۹ی کۆچی ڕۆژیم . خزمەتگوزاری فەرهەنگ و ئەدەبی گەلی کوردم . بۆ باشتر بەڕێوە بردنی ئەم ماڵپەڕە ، چاوەڕوانی ڕەخنە و پێشنیاری ئێوە هاوڕێیانم.