خاتوو سونبول . خۆشەویستم

خۆشەویستم
وشەی ڕوتی خۆشەویستی
لەناو کراسی بووکێنیم دەشارمەوە
لە نێو قەدی ئاڵۆزاوی وشەی قینت
دەیخوازمەوە

خۆشەویستم ڕووخااا
دیواری هەڵفەرین
پسا دەماری دەنگەکان

هێندە دڵم
لە شاخ پڕە
باوەش دەگرم بە کێلگەکان

شەپۆل شەپۆل هێرش دەبم
بۆ ڕووخانی خەمەکانم
ماندوو ترم لە کڕێوە
کە دەیبینم
ناتەواوە لە شەوی تۆ
خەونەکانم

بسکەکانم هەڵدەپاچم
هێلانە‌ی دەستت بشێوێ
هێندە دەکەم داوا لە خوا
بێشکەی خاکم بۆ بنێرێ

بەسە چی تر
درۆکانت دامەچێنە
مەزرای دڵم
ڕاهاتووە لەگەڵ داوڵ

هەموو هەستم تێکەڵاوە
لەگەڵ دەستی بۆری کاوڵ

ژین ئەلێرە ڕاگرە
دادەبەزم
ڕێبوارێکم
لێوڕێژ لە ڕێ و
چونە حەزم
چونە حەزم

خاتوو سونبول

خاتوو سونبول، تۆران بەسە

[ تۆران بەسە ]

بەو دڵەی وا شێت وهارم تۆ بڵێ بریان بەسە
بەم دوو چاوی پڕ نەمم گیانە، بڵێ گریان بەسه

تا سەر و زولفەم کە ئاڵۆزە بە دەس تۆفانی خەم
بەو هەناسە کەس نەناسە تۆ بڵێ گیران بەسە

زەردە ڕەنگی هەنیەکەم، سووری نەما، سورمە تکا
لێوی ئاڵ و شیرنم تاڵ بوو، بەسە ناڵان بەسە

باخەکەی سینە، زەدەی دەستی خەزانە چاوەکەم
نۆبەهارم ئەی گوڵانی باخەکەم، زستان بەسە

تیر و تانەی ناحەزان جەرگ و دڵی گرتم نیشان
ئەی نیشانەی سەر بە خۆیی زێدەکەم قەیران بەسە

چەندە تاڵە بێ کەسی و بێ دەستەڵاتی لەم سەدە
ڕۆڵەکەی کوردی هەژار مردن بە بێ تاوان بەسە

تۆ وڵات و شارمی، من گیان فیداتم تا کو هەم
(سونبول)ی تۆ بێ وڵاتە، ڕووحەکەم تۆران بەسە

خاتوو سونبول

https://t.me/SairaniKurd

خاتوو سونبول شاعیری شاری مهابادی سەربەرز

ئامینە سونبولی ناسراو بە خاتوو سونبول
دایکم دیگوت سێ ساڵ ناسنامەیان زۆرتر بۆ وەرگرتووی کە وابوو لە دایک بووی ٤۷ی کۆچی هەتاویم ،بابت ویستی زوو مێر بکەی بڕۆی لە ماڵ، ناسنامەکەم ساڵی ٤٤ رە ،هاتمە دنیا ، کە کاتی نێو نووسی هات لە تەمنی حەوت سالیم دا ،بەدزی بابم دایکم نیوی نووسیم ،بابم کوتی کچ بۆ خوێندن نابێ دەبێ بڕوات، منی بچووک، بەناسنامەیەکی گەورە هاتمە ڕیزی گەورەکان وبە دزی وترسی منداڵانە دەستم بە خوێندن کرد بابم کوتی کچی من نێ ئەوەی پێنووسی هەڵگرێ ،کچی بابم بووم و پێنووسیشم هەڵگرت خوێندم ،خوێندم تا لە ساڵی ٦۹ دیپلۆمیان دامێ ،تەمام گرت ببمە مامۆستا وئەوکچانەی وەک خۆم بوون، فێری نوویسن بکەم پێنووسیان دەمێ تا هەر کچی بابیشیان بن چومە نێهزەت بۆ شەڕ لە گەڵ بێ سەوادی، بووم بە ئاموزشیاری نمونە ،پێشمەرگەی دژ بە نەزانی ، دوایە لە زانستگا ڕشتەی ئامووزشی ئیبتدایی نێوم دەرهات وچومە ڕەزایە لەوێ زمنی خدمەت بۆ کاردانی قەبوول بووم، هاتمە مەهاباد لە کارشناسی دا قەبوول بووم، دوایە بووم بە خێزان ،پاشان دایک، دایکی دوو کچی زۆر ،زۆر جوان 
لە منداڵێوە هۆگری زمانەکەم بووم ودەمنووسی بەڵام دەترسام پێم بڵێن مشک لە کونێوە نەدەچوو گسکە کۆڵەشی وەدوای خۆی دەدا ،منی کە بە زۆری توانیم بخوێنم ئێستا بنووسم ،ئەویش کوردی.

⤵درێژەی بابەت لە ادامە مطلب دا بخوێنەوە

ادامه نوشته

تۆ دەزانی ، شێعری : خاتوو سونبول

تۆ دەزانی
شۆرە سوارم ئەو هەڵۆیەی
بەهێز ترە
لە لافاو و لە ڕەشەبا
لە کام ئەشکەوتی تاریک دا
ئاخنراوە؟

 

تۆ دەزانی
ئەو مام ڕێوێی
پرچی جوانی کچە کوردی
هەڵپاچیوە
سمێڵی بۆ خۆی داناوە؟

⤵پاشماوی شێعر لە ادامە مطلب دا بخوێنەوە

ادامه نوشته