یووسف نەسوڵاهی . دڵتەنگی
[دڵتەنگـی]
دڵتەنگی ڕۆژی سەد کەڕەت ئەمباتە لێواری نەمان
دەستەو یەخەی مەرگم دەکات ئەوڕۆ خەیاڵی دوێکەمان
هۆڪاری دڵتەنگین هەموو دڵخۆشی ئەو ڕۆژانە وا
ئێستە هەموو ڕۆژێ ئەڵێین بریا هەتاکوو سەر دەمان
یاسای سروشت وایە عەزیز هەر ساز ئەکات و تێک ئەدا
تا سەر نیە ئەو سەردەمەی وا دەم دەچێ بۆ سەر دەمان
داخێ عەجەب ئاوێتەیە لە ئاخی ناخی سینەمدا
ئەشواتەوە هەر دەم ئەگەر ریشی رەشم ئاوی زەمان
دڵتەنگی لەم ڕۆژانەدا بۆتە هەوێنی شێعری من
بەستە و غەزەل بۆیە کزن پڕ بوونەتە باسی خەمان
خۆزگە کە سروەی خەندەیەک بشنێ لە کوێستانی دڵان
بڕوا لە ئاسمانی تەمەن هەوری رەشی پڕ ماتەمان
یووسف نەسروڵاهی
1396/ 2/8
+ نوشته شده در یکشنبه ۱۳۹۶/۰۲/۱۰ ساعت 17:58 توسط سەلاح کوردی
|
خوێندنے پۆلے سەرەتاییەوە بە یارمەتے ڪاڪم فێرے نووسێن و خوێندن بە زمانے دایڪی بوومە و لە پۆلےچوارے سەرتاییدا شێعرم بە زمانے ڪوردے بۆ نەورۆز نووسیوە و خەڵاتے تایبەتم وەرگرتوە
ناوم سەلاح کوردی لە دایکبووی ساڵی ۱۳۳۹ی کۆچی ڕۆژیم . خزمەتگوزاری فەرهەنگ و ئەدەبی گەلی کوردم . بۆ باشتر بەڕێوە بردنی ئەم ماڵپەڕە ، چاوەڕوانی ڕەخنە و پێشنیاری ئێوە هاوڕێیانم.